帶B出街=上戰場？每次重裝侍候B大爺累不累

每次湊B出街就像打仗般，尤其是初為人母（人父）的爸爸媽媽，執「行街用品」就如上戰場前執裝備一樣緊張。要帶幾多個奶粉先夠？執少條片片又怕不夠換，帶太多又怕重，帶太少又怕不夠用……一條條問題每次在腦海內來回轉不停，嚇都嚇怕了，還想帶BB出街玩！？若然好頭痕，不知要帶啥出街，過來人教路輕裝外出so easy~

1. 尿片

BB還小，仍未懂得控制肛門，所以排泄次數比較頻密，在這段時期最好多帶少少紙尿片，約5~6片左右。

2. BB專用濕紙巾

換片時要用濕紙巾幫BB抹pat pat，次次都會用上4~5張，所以都建議爸爸媽媽最好都是帶上一包，即使BB吐奶﹑拉臭臭﹑跌東西都不用怕啦！

3. 奶粉+格奶粉格

每隔4小時BB就要飲1次奶，爸爸媽媽可以用奶粉格分裝奶粉，將每次飲奶的份量裝入，每格裝多少就視乎BB飲奶量而定，正常帶3格就足夠了。

4. 奶樽

爸爸媽媽都以為BB要飲幾多次奶就要帶多少瓶樽，其實不用哦！其實最多帶2個就足夠了！1個是裝水給BB飲的，一個是用來喝奶用的。

5. 毛氈/外套

香港室內外溫差大，BB好易會著涼，不論待在冷氣房下睡覺都不怕啦！

6. 口水巾/毛巾

 BB飲奶一定要戴上口水巾，用來抹嘴的。都建議爸爸媽媽多帶幾條，約2~3條，最好能1餐用1條，萬一嘔奶都不怕啦！

7. 汗巾

BB仔可能用不上，但當小朋友會行時，爸爸媽媽就要帶上汗巾仔，以防BB大汗弄濕衣服。

8. 更換的衣服

可以多帶1套衣物出街，即使BB嘔奶，弄髒衣服都有得換。

9. 奶咀/牙膠/玩具

都是用來分散BB注意的，帶1個就OK了！

10. 兒童用筷子/剪刀

如果小朋友會自己吃飯都建議帶上剪刀分件食物。

不想帶漏帶少東西，爸爸媽媽可以列張清單貼在門口，出門前對照著清單點數，點齊再出門，那就不怕執漏東西啦！

Photo: avery.leung / Pinterest / tsui_sum_yee /  j__elle90
Cover photo: avery.leung / j__elle90